كاس الموت --- شعر ليبي

:nvi:
القصيدة لاحد شعراء الجماهيريه الليبيه الا وهو الشاعر :- احمد ارميله وهي قصيدة موعضه


وهي هديه مني ليكم :HAP:


الموت كل نفس تذوق جرعة كاسهـا *** مقربها على غفلة إن مايدرى بها

ماينقطع قارن عيــــاط اجراسها *** من عند مطلع شمسها لمغيبهــا

واوقات يدعس عالمــدن دعاسها *** ويهلك اعداد عديد ماو تسريبهـا

دوام الحياة ثابتـــه علايم ياسها *** كذا قولي وين الحكيــم طبيبها

واسوالك إن كان كثرن مشاغل ناسهـا *** والهنهم ونسيو ذكر عالم غيبها

وعبيو على هللى بعر جلاسهــا *** احياناً يجو للسو مــن تسبيبهـا

وهى مجربه غبرة قليل كواسهـا *** وتحيد ولا سدن مسارب عيبهــــا

تدير فى بواهر يجعلن هنداسها *** دايخ وهو عالم كبيـــر حسيبهــا

تجى فى الصباح لابسه جميل الباسها *** وتجى فى المسا سافية جلال نديبهـا

وما من اجيال مرن مع كياسها *** وعدن كما عابر سبيل غريبهـــا

دايس ورا دايس بعدهم داسهـا *** دايج ورا دايج يجى ويسيبهـا

ويردم جرايرهم تراب محاسهـا *** سوا خباث والا من معادن طيبهـــا

حطبة نار يا نارى علــى غراسها *** الفتنة اكبر ملقتل جــا ترتيبهـا

ولكن ارتابن فى جرر وسواسها *** اللى النفس ديمه هو سبب توكيبهــا

الدنيا ضراير خيرهـا وافلاسهـا *** مغير عند كلتهن اسبــاب تجيبهـا

ولا يطولها فارس ولاتراسهـــا *** وراها فنى سر الشباب وشيبهـــا

مشت بشوق رغاطة مدار دراسها *** اشقتهم وماقدروا علــى تقليبهــا

ديمه على قفاز قافله مداسهــا *** نهار ليل يجارن قطــــار قضيبهـا

ولامن رعاياها ولا رياسهـــا *** تريد تستحي فى فعل شين عطيبهـــا

تدهك عزيز القوم بين اضراسها *** فى القايله وما يسيلن دموع نحيبهـا

وتسقد كبير ماسك رسم حباسها *** بلا قوت يوم ومشربة يمشى بهــا

وتضرب حساب خماسها فى اسداسها *** وتشرى خساير ياكلـن تكسيبهـا

تخلف مواجع يوجعن حراسهـا *** تجرج وما تداوى طويـــــل سريبها

ماسك الموج وناصية غطاسهـا *** مالها وكيـــل الا اللــــه رقيبهـا

ولاتدوم شدتهن ايـام تعاسهـا *** ولاتدوم راحتهن ايـــــــام لعيبها

هناك وهناك وهنا يحفر فاسها *** فى قبور ها ذاك البعيد قريبهــــــا

صيورهن خوالى قورها وانواسها *** ويغرد على روس العـــلاوي ذيبهـا

خدنهن على غفله شدايد باسهـا *** قرون واجده زالــت وزال نصيبها

وهم قرون كانوا ينهضوا منهاسه *** ا ركابين عاللى من خيار سبيبهـــا

ناصيه رجال ومال خير ساسهـا *** من جيده لجيده منحـدر تنسيبهــا

ناقش الناقش فى بدود حلاسهـا *** ديار كيف نوار العفا تخضيبهـــا

ركوبة سليم الراى مو عكاسها *** ولد بيت بيت ببيت خير عجيبهــــا

عليه ضان تضابح طويل ركاسها *** بطلن الزرارات من تحليبهـــــا

يغرف ويشرب من قدور نحاسها *** القاصر اللى عازة الزمان بلـى بها

وزراعة تبان تقول قـور كداسهــا *** شبعان من نظر عينه يبات رغيبهـا

واذواد فى ارض من جور المطر ترفاسها *** نبت كبار فى مركح شراب شطيبها

تناخص هميل الرق فى مشماسها *** وثينه تقتل فى سحين دبيبها

وتبجد مع مرده هشيم حباسها *** سفنه على روس العلا شابيبها

كسوبة مسامى حاملين حساسهـــا *** منين عقلن بين التوامج نيبهـــا

يشيلوا الطايح والقرب يباسهــــا *** ولهم صف قاهر عابديــن صليبهـا

بعدهم بقى عينى قليـل نعاسهـــا *** ساعه على ساعه يسيـل سكيبهــا

الدايم الله ناشى جميع اجناسهـــا *** ومخالف على اثر لغاتها تركيبهـــا




تحياتي /فالكون المنتدي :hi:

الجماهيريه الليبيه