الذكريات
11-05-2003, 06:18 PM
http://www.alitalia.com/en/Images/banners/ban_image_choose.jpg
اهلا اعضاء
اول موضوع ليه في دنيا السياحه ومااعرف شو نظامكم بس انا حخليه ذكريات رحله اتمنى ان الموضوع يعجبكم ..
حتكلم عن بلدة تتميز بجمال الطبيعه والجو
حتكلم عن ايطاليا
الدوله دي بكل بساطه وباختصار شديد اعتبرها مدينه الفن والجمال "مو باريس العفنه "
يالله اعتبروا نفسكم الان في الطيارة وحنروح سوى على روما الا هي عاصمه ايطاليا ..
رغم انه روما هي العاصمه لكن ماانصح اي مخلوق يبغ يسافر ايطاليا يمر على روما لانه حيضيع وقتوا فيها على لاداعي يحود عدل على فلورنسا
فلورنسا مدينه رائعه بكل ماتحمله الكلمه من معنى ..
فيها متاحف مفتوحه يعني وانت ماشي تتفرج بكل بساطه
حتشوف فيها منحوتات لاشخاص من كثر جمال النحت واتقانه تتمنى تقابل دول الاشخاص على الطبيعه ..
المدينه دي حلو فيها تصحي بدري وهات يالف فيها حتتمشي وماراح تمل يعني وفي المسا المدينه دي عالم ثاني لانها عبارة عن حواري "مرتبه مو زي عندنا "في كل شارع من هذه الحواري تلاقي استعراض لقدرات الاشخاص مو رقص لا "طبعا شحاته بس بالزوق "
وفيها ساحه كبيره لاتخلو برضوا من الاستعراضات
والاسواق عندهم احلا مافيها الفتارين لانه الفترينه بطول المبني ومضيئه في الليل يعني تتفرج حتى والسوق مقفل ..
حيجبرك فن العمارة في هذه المدينه انك تبلم في المباني لانها قديمه بطراز حضاري ..
قضي كم يوم فيها واتذكرني في كل شارع "وكل بيتزا ماريجريتا "لانه البيتزا الايطاليه افضل بيتزا على الكرة الارضيه ..:cool:
طبعا فلورنسا بدل الفن والرسم حتلاق يالناس بيرسمو حتى على ارض الشوارع حتلاقي رسم روعه جاد وكاركتيري ..
من فلورنسا انتقل الى فينسيا "البندقيه "واتحسر بقلب على حضارتنا الا راحت مننا
البلدة دي من مميزاتها انها غرقانه في بحر والتحرك فيها بيكون عن طريق اليخوف "والجندول "
وياقلبي على الجناديل لمن تركب الجندول وحعدي تحت جسر التنهدات "سموه كدة لانه الطريق المؤدي الى السجن وكان المساجين لمن يمروا من فوقه يتنهدوا "احس اكبر عذاب انه السجن يكون في دي المنطقه لانه جوها رائع بحري ورائع
طبعا برضه تحتوي هذه المدينه على شوارع ضيقه "حواري اضيق من فلورنسا "ولكنها اكثر روعه والاجمل فيها ساحه كبيره حتلاقي فيها كميه لابأس من الطيور "حمام "لاارديا تتمنى تاكلهم لانهم اليفين حيتجمعوا حولك "
انصح الا يبغ يسافر ايطاليا مايترك الفرصه تضيع منه ويروح البندقيه هذه المدينه التي تغرق في الشتاء ومااعرف كيف الاهالي يقدروا يعيشوا فيها وهي غرقانه ..
واهم شئ طبعا انه دي البلد الا تصنع الكريستال
تعالوا اتفرجوا كريستال بالشئ الفلاني وببساطه كاسات بس طريقه تصنيعه روعه
الى الجزء الثاني
تحياتي
اهلا اعضاء
اول موضوع ليه في دنيا السياحه ومااعرف شو نظامكم بس انا حخليه ذكريات رحله اتمنى ان الموضوع يعجبكم ..
حتكلم عن بلدة تتميز بجمال الطبيعه والجو
حتكلم عن ايطاليا
الدوله دي بكل بساطه وباختصار شديد اعتبرها مدينه الفن والجمال "مو باريس العفنه "
يالله اعتبروا نفسكم الان في الطيارة وحنروح سوى على روما الا هي عاصمه ايطاليا ..
رغم انه روما هي العاصمه لكن ماانصح اي مخلوق يبغ يسافر ايطاليا يمر على روما لانه حيضيع وقتوا فيها على لاداعي يحود عدل على فلورنسا
فلورنسا مدينه رائعه بكل ماتحمله الكلمه من معنى ..
فيها متاحف مفتوحه يعني وانت ماشي تتفرج بكل بساطه
حتشوف فيها منحوتات لاشخاص من كثر جمال النحت واتقانه تتمنى تقابل دول الاشخاص على الطبيعه ..
المدينه دي حلو فيها تصحي بدري وهات يالف فيها حتتمشي وماراح تمل يعني وفي المسا المدينه دي عالم ثاني لانها عبارة عن حواري "مرتبه مو زي عندنا "في كل شارع من هذه الحواري تلاقي استعراض لقدرات الاشخاص مو رقص لا "طبعا شحاته بس بالزوق "
وفيها ساحه كبيره لاتخلو برضوا من الاستعراضات
والاسواق عندهم احلا مافيها الفتارين لانه الفترينه بطول المبني ومضيئه في الليل يعني تتفرج حتى والسوق مقفل ..
حيجبرك فن العمارة في هذه المدينه انك تبلم في المباني لانها قديمه بطراز حضاري ..
قضي كم يوم فيها واتذكرني في كل شارع "وكل بيتزا ماريجريتا "لانه البيتزا الايطاليه افضل بيتزا على الكرة الارضيه ..:cool:
طبعا فلورنسا بدل الفن والرسم حتلاق يالناس بيرسمو حتى على ارض الشوارع حتلاقي رسم روعه جاد وكاركتيري ..
من فلورنسا انتقل الى فينسيا "البندقيه "واتحسر بقلب على حضارتنا الا راحت مننا
البلدة دي من مميزاتها انها غرقانه في بحر والتحرك فيها بيكون عن طريق اليخوف "والجندول "
وياقلبي على الجناديل لمن تركب الجندول وحعدي تحت جسر التنهدات "سموه كدة لانه الطريق المؤدي الى السجن وكان المساجين لمن يمروا من فوقه يتنهدوا "احس اكبر عذاب انه السجن يكون في دي المنطقه لانه جوها رائع بحري ورائع
طبعا برضه تحتوي هذه المدينه على شوارع ضيقه "حواري اضيق من فلورنسا "ولكنها اكثر روعه والاجمل فيها ساحه كبيره حتلاقي فيها كميه لابأس من الطيور "حمام "لاارديا تتمنى تاكلهم لانهم اليفين حيتجمعوا حولك "
انصح الا يبغ يسافر ايطاليا مايترك الفرصه تضيع منه ويروح البندقيه هذه المدينه التي تغرق في الشتاء ومااعرف كيف الاهالي يقدروا يعيشوا فيها وهي غرقانه ..
واهم شئ طبعا انه دي البلد الا تصنع الكريستال
تعالوا اتفرجوا كريستال بالشئ الفلاني وببساطه كاسات بس طريقه تصنيعه روعه
الى الجزء الثاني
تحياتي