عودة   منتدى عربيات > الأقسام المتخصصة > هـــي

رد
 
خيارات الموضوع قيم المشاركة طريقة العرض
  #1  
قديم 30-10-2004, 11:26 PM
Zein Zein غير موجود
مشترك جديد
 
تاريخ الإنضمام: Oct 2004
الردود: 9
الرصيد:: 0
سفرة رمضانية من لبنان صحتين و عافيه

[COLOR=purple
]عزيزاتي ...
كل سنة و انتو سالمين ..اليوم رح اشارككم بسفرة رمضانية من لبنان .. بلدي التاني ..
اتمنى ان تنال اعجابكم ...
و الف صحة وهنا على البكن ...
المطبخ اللبناني
أما المطبخ اللبناني الشهير فتجتمع فيه، على غرار الثقافة اللبنانية ، فسيفساء ملونة من الأصناف المستوحاة من المطبخ الأوروبي، فالمازة اللبنانية المؤلفة من جملة مقبلات شهية لاتعد ولاتحصى، ولاتكاد تفرغ أطباقها حتى تمتلئ من جديد، باتت أسطورة في الذوق تتردد أصدائها في العالم كله.


يعرف المطبخ اللبناني بثرائه في النشويات، والفواكه، والخضروات وثمار البحر. وبينما يتم تفضيل الدجاج، فإن لحم الغنم هو الأكثر استعمالاً ضمن اللحوم الحمراء. أما أسلوب الطهي فهو في الغالب الشوي أو التحمير أو بطريقة السوتيه في زيت الزيتون،
ويندر استعمال الزبدة أو الكريمة إلا في الحلوى. وبالرغم من عدم تنوع صلصات المطبخ اللبناني إلا أنه يشتهر بأعشابه وبهاراته ومكوناته الطازجة التي تدخل في إعداد قائمة حافلة من الأطباق، تتأثر بدورها بالمواسم كغيرها من أطباق منطقة المتوسط.قد يقتصر الحلو بعد الوجبات على الفواكه الطازجة، ولكن هذا لا يمنع وجود أنواع عديدة من الحلوى أبرزها البقلاوة المعروفة أيضاً في المطبخ التركي و اليوناني . وبالطبع لا غنى عن القهوة مع الحلو..

بعد هاي المقدمة المنقوله .... رح ابدا بالمنيو ...
مائدة رمضان عادة تتكون من :
العصائر ..السلطات .. الشوربات .. المقبلات ...الطبق( او اطباق ) الرئيسي ...و أخيرا الحلو
العصائر..
من العصائر الشائعة في هذا الشهر الفضيل .. شراب التوت ..و الخروب ..و عرق السوس ..و التمر هندي ...قمر الدين ..و لبن عيران ..
رح احطلكن طريقة شراب التمر هندي لاني بحبه كتير كتير ..
المقادير:
كوب من التمر الهندي
6 اكواب من الماء
2 كوب ماء للنقع
والسكر على كل كاسه شراب بتحطي حوالي 6 ملاعق كبار سكر ( حسب الرغبه حلوة كتير او عادي..انا بحبه بدون سكر )
الطريقه :
تضعي التمر والكوبين الماء على النار
بعد2 دقيقتين من غليانه ارفعيه عن النار واتركيه ليبرد قليلا بعدين صفيه بواسطه كيس صغير من قماش الشاش طنجرة بايركس مو معدن ..لانه بينفاعل مع المعادن بعدين يضاف له ال 6 اكواب المي بالتدريج واستمري بالضغط على القماش الى ان ينتهي عصيره ولا يبقى منه شيئا..بعدا اتركي العصير المصفي حتى يروق ويصبح لونه هادي وما معكر
بعدين في كل كاسة عصير بتحطي السكر وممكن ان تضعي السكر مع التمر الهندي وقت ما كان على النار
وهيك السكر بيدوب اسرع اوبامكانك ان تخلطيه بالخلاط ..بهذا تتاكدي ان السكر قد ذاب
عند النهاية بتحطي بعض قطرات من ماء الزهر او ماء الورد..

السلطات ..
طبعا في سلطات كتير من الفتوش ..للتبولة ...للبابا غنوج ..االسلطة الحرة .. البقدونسية .. المحمرة .. الخ ..
رح احكي طريقة التيولة
المقادير : (لحوالي 3 أشخاص)
عدد 3 ضمة بقدونس خضراء عدد 8 الى 10 أوراق نعنع (ورق بس )
عدد 3 حبات بندورة حمراء (طماطم) جامدة
عدد 3 بصلات خضراء بورقها ..
برغل أحمر ناعم بمقدار نصف فنجان قهوة (حجم فنجان قهوة كامل ازا بتحبو البرغل كثير)
عدد 2 ليمون حامض معصور
ملعقة صغيرة ملح
زيت زيتون بمقدار واحد و نصف فنجان قهوة ( 1 و 2/1)
رشة فلفل أسود وفلفل حلو
و رشة فلفل حار رشة سماق ( مو كتير رشة بس )
الطريقة :
- يغسل البقدونس بالماء و يصفى ثم يفرم البقدونس ناعما بالبلبلندر على الكهربا .. او مخرطة الملوخية
- يغسل النعنع و يصفى و يفرم و يدفن في داخل البقدونس المفروم حتى لا يسود
- تفرم البندورة ناعمة
- يفرم البصل الأخضر مع أوراقه ناعما
( بعد الفرم أنا عادة بحط البندورة و البصل في تبرويه فوق البقدونس و النعنع المفروم بحطن في البراد بدون خلطهم مع بعض حتى يحين وقت التقديم مع الحرص على اغلاق الوعاء بورق البلاستيك اللاصق حتى لا تنتشر رائحة البصل في الثلاجة..هههه نصه فصحى و نصه عامي .. اللي ما بيفهم يقلي مشان اعيد الشرح ..ههههه).
- يغسل البرغل الناعم و يصفى و ينقع مع عصير الليمون و الزيت و البهارات المذكورة أعلاه. (يفضل نقعه قبل نصف ساعة او ساعة فقط قبل التقديم..هيك بيطلع طعم البرغل اطيب و حامض..)
- عند التقديم يتم خلط الخضراوات المفرومة أعلاه ببعضها مع مزيج البرغل المنقوع
و تقدم التبولة في جاط مفروش بأوراق الخس و حزوز الليمون
و الف صحة و هنا..

الشوربات ...
من الشوربات المشهورة بلبنان شوربة الفريكة .. شوربة الخضار .. الموزات ..الفطر ..الشعيرية ..و ماشاء الله انا شايفة بالقسم كتير شوربات .. فانا ما رح نزل ( بعدني صايمة ..و تعبانة ..عم اوفر جهدي ههههه ) ..

المقبلات او المازة اللينانية
و هاي جزء مهم كتير بالسفرة اللبنانية ..و هي تنقسم لنوعين:
مقبلات باردة متل الحمص و البابا غنوج و اللبنة و الزيتون الاخضر و الاسود والشنكليش.. الجبنة مع الزعتر و الزينون و اكيد جاط الخضرة و الكبيس المشكل..و ورق العنب ( يلنجي ) بالزيت .. اللوبيا و الفاصوليا بالزيت ..متبل الكوسا .. سلطة الخبيزة و الهندبا ..و اكيد الكبة النية ...الخ و مقبلات ساخنة منل حمص بقورما ..رقائق الجبنة صفايح اللحمة و السبانخ ..السودة المشوية ( يعني الكبدة ) ..جوانح الدجاج ...نقانق ..كبة مقليه اقراص..شو كمان ..( و اللله جعت ) ..ضفادع بروفنسال ..مخ مشوي ..المناقيش الخ ..( بيكقي )

رح أحط طريقة الفاصوليا بالزيت ( لانه كمان بحبا كتير )
المقادير:
- 3 ملاعق كبيرة زيت نباتى
- ملعقة كبيرة بصل مقطع إلى جوانح
- ملعقة كبيرة ثوم مدقوق
- 1 كوب كزبرة مفرومة
- 3 أكواب فاصوليا بيضا مسلوقة
- 2 كوب بندورة ( طماطم ) مقشرة و مقطعة متل السلطة
- ملعقة كبيرة عصير حامض ( ليمون)
- ملح و فلفل حسب الرغبة
الطريقة:
- نضع الزيت فى طنجرة وعندما يحمى نضيف إليه البصل والثوم
- بعد بضع دقائق نضيف الفاصوليا المسلوقة مع القليل من الملح
- تضاف بعد ذلك الكزبرة المفرومة وبعد التحريك لبضع دقائق نضيف عصير الليمون ثم مكعبات الطماطم
و بنتركيها شي 15 دقيقة لتشري ميه البندورة ..
- بتقدري نضيفي الصنوبر المقلى ونزين به وجه الصحن
- يقدم بارداً مع رشة زيت الزيتون على الوجه ..


هلق الطيق الرئيسي
و الاطباق الرئيسية على السفرة اللبنانية متنوعة من الرز باللحم مع الدجاج او اللحم .. الفريكة المفلفلة ..مسبحة الدرويش..المغربية .. الكوسا ابلما يالبندورة او اللين .. اللبن امه ..المقلوبة ..المشاوي بمختلف انواعها ..الضلع و الرقية و الريش المحشية ..الطحالات المحشية ..المحاشي بانواعها ..الكبب بانواعها من اللبنية ..الارنبية .. المشوية .. بالصينبة ..الدجاج المحشي ..و الفر المحشي ..الخ..
رح اختار ..
الششبرك ( من اكلاتي المفضلة ) ..
المقادير :
1 كوب دقيق أبيض.
نص كبلو جرام لحم مفروم.
4 معالق كبيرة بقدونس مفروم
1 بصلة وسط مفرومة.
ملح وبهار حلو. قرفة.
1 فص ثوم مفروم.
معلقة كبيرة زبدة او زيت .
2 كوب لبن رايب او زبادي.
ملعقة كبيرة نشا (يمكن زيادته قليلاً حسب الرغبة ).
زلال بيضة واحدة. كزبرة مفرومة حسب الرغبة


طريقة التحضير:
يعجن الدقيق بالماء البارد مع قليل من الملح ثم تترك العجينة جانباً لمدة 30 دقيقة.
تحضر الحشوة بخلط اللحم المفروم مع البصل والبقدونس والبهار والقرفة.
تفرد العجينة وتقطع دوائر صغيرة بفنجان قهوة تحشى كل دائرة بالحشوة وتشكل على هيئة قبعة صغيرة.متل التورتليني ..
يحضر اللبن كالتالي: توضع كمية اللبن على النار ثم يذوب النشا في قليل من الماء البارد ويصب عليه مع التقليب المستمر.
ثم يصب عليه زلال البيض مع التقليب المستمر حتى يغلي اللبن تماماً.
تحمر دوائر العجين في الفرن او تقلى حسب الرغبة ثم تضاف الي اللبن و انركية على نار هادئة لمدة ربع ساعة
يقلى الثوم بالزبدة ويضاف الى اللبن. و تضاف الكزبرة المفرومة عند التقديم حتى لاتسود ..تقدم الى جانب ارز ابيض مفلفل

الحلويات ..
و أخيرا ..اجينا للحلويات ..و هي متنوعة من زنود الست .. للكلاج .. الكنافة بالجبنة و المفركة و القطايف بالمكسرات ..العصافيري ..بالقشطة طبعا ..للمفتقة ..و المغلي ..و
عيش السرايا ..و المهلبية ..و العثمليه ..و عش البلبل ..و ليالي لبنان ..و التمريه ..و الوربات و ..الخ ..الخ
رح اختارنوع حلو كتير بسيط و سهل ..( بالزات اني جعت كتير موشوي...و بدي اروح اساعد امي ..اهئ اهئ ) ..
المغلي
- 2 كوب أرز مطحون ناعم
- 4 كوب سكر
- 14 كوب ماء
- ملعقة صغيرة قرفة
- 2 كبيرة كراوية مطحونة
للتزيين:
فستق، لوز، جوز، جوز هند مبشور
الطريقة:
- يغلي الماء ثم يضاف إليه خليط الارز المطحون مع التحريك المستمر
- يضاف القرفة والكراوية وباقي البهارات ويحرك حتي يتقل المزيج ويغلف ظهر الملعقة
- يضاف السكر مع التحريك المستمر
- يصب المغلي في أكواب صغيرة ويرش عليه جوز الهند والمكسرات ويقدم باردا ...

انمنى لكم صياما مقبولا ..و افطارا شهيا ..
تحياتي ,,

زين [/COLOR]
__________________

الرد مع اقتباس
  #2  
قديم 02-11-2004, 07:57 AM
الجاكونه's Avatar
الجاكونه الجاكونه غير موجود
حورية عربيات
 
تاريخ الإنضمام: Jun 2002
المكان: المملكه العربيه السعوديه
الردود: 10,015
الرصيد:: 0
مشكووووووووره زين على هالسفره المتكامله



تسلم ايدك ويعيطبك العافيه

تحياتي

جكجك
الرد مع اقتباس
رد

Bookmarks

خيارات الموضوع
طريقة العرض تقييمك لهذه المشاركة
تقييمك لهذه المشاركة:

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

انتقل إلى



Powered by vBulletin® Version 3.8.6
Copyright ©2000 - 2014, Jelsoft Enterprises Ltd.


توقيت المنتدى GMT +3. الساعة الآن 07:17 AM.

جميع حقوق الطبع والنشر محفوظة لعربيات © 2000
المواد غير قابلة لإعادة النشر دون إذن مسبق
Copyright © 2000 Arabiyat International. All rights reserved
في حال وجود أي ملاحظة نرجو مراسلتنا
info@arabiyat.com
forums archive

{vb:raw ad_location.ad_footer_end}